Գերմանիայի կանցլեր Ֆրիդրիխ Մերցը հեռախոսազրույց է ունեցել ԱՄՆ նախագահ Դոնալդ Թրամփի հետ, որի ընթացքում նրանք քննարկել են Մերձավոր Արևելքում հրադադարի հարցը, հաղորդում է Bild թերթը՝ հղում անելով Գերմանիայի կառավարության աղբյուրներին։
«ԱՄՆ-ի և Իրանի միջև անսպասելի հրադադարից հետո դաշնային կանցլեր Ֆրիդրիխ Մերցը այսօր կեսօրին հեռախոսազրույց է ունեցել ԱՄՆ նախագահ Դոնալդ Թրամփի հետ», – նշվում է հրապարակման մեջ:
Ապրիլի 8-ի գիշերը Թրամփը հայտարարեց Իրանի հետ երկշաբաթյա հրադադարի համաձայնագիր կնքելու մասին: Իրանի արտաքին գործերի նախարար Աբբաս Արաղչին ավելի ուշ հայտարարեց Հորմուզի նեղուցի բացման մասին: