Պակիստանի վարչապետ Շահբազ Շարիֆը խնդրել է ԱՄՆ նախագահ Դոնալդ Թրամփին երկարաձգել Իրանի հետ համաձայնության հասնելու վերջնաժամկետը ևս երկու շաբաթով։ Այս մասին վարչապետը գրել է X-ի իր միկրոբլոգում:
«Մերձավոր Արևելքում շարունակվող պատերազմը խաղաղ ճանապարհով լուծելու դիվանագիտական ջանքերը կայուն առաջընթաց են գրանցում … և ունեն մոտ ապագայում զգալի արդյունքներ տալու ներուժ։ Որպեսզի դիվանագիտությունը կարողանա ընթանալ իր սեփական տեմպերով, ես անկեղծորեն խնդրում եմ նախագահ Թրամփին երկարաձգել (Իրանի հետ համաձայնության հասնելու) վերջնաժամկետը երկու շաբաթով», – գրել է Շարիֆը։
Նա նաև խնդրել է Իրանի իշխանություններին այս ժամանակահատվածում բացել Հորմուզի նեղուցը՝ «որպես բարի կամքի դրսևորում»։
Diplomatic efforts for peaceful settlement of the ongoing war in the Middle East are progressing steadily, strongly and powerfully with the potential to lead to substantive results in near future. To allow diplomacy to run its course, I earnestly request President Trump to extend…
— Shehbaz Sharif (@CMShehbaz) April 7, 2026