ԱՄՆ ռազմական նախարար Փիթ Հեգսեթը խոստացել է, որ այսօր ԱՄՆ-ն կմեկնարկի Իրանի դեմ ռազմական գործողության սկզբից ի վեր ամենահզոր օդային հարվածները։
Նա այս հայտարարությունն արել է Սպիտակ տանը ԱՄՆ նախագահ Դոնալդ Թրամփի հետ մամուլի ասուլիսում։
«ԱՄՆ նախագահի ցուցումով Մերձավոր Արևելքում գործողությունների առաջին օրվանից ի վեր ամենամեծ թվով օդային հարվածներն են լինելու», – ասել է Պենտագոնի ղեկավարը։
Նրա խոսքով՝ ամերիկյան զորքերը պատրաստ են գնալ ցանկացած վայր, ցանկացած պահի՝ երկրի շահերը պաշտպանելու և հանձնարարված առաքելությունը կատարելու համար։
«Այդ դեպքում Իրանը կունենա ընտրության հնարավորություն։ Ընտրեք իմաստուն կերպով, քանի որ նախագահը լուրջ է տրամադրված։ Մենք գործում ենք ճշգրտությամբ։ Մենք վերահսկում ենք երկինքը», – ընդգծել է Հեգսեթը։
Ավելի վաղ այս մամուլի ասուլիսում Թրամփը հայտարարել էր, որ ԱՄՆ-ն կարող է երեքշաբթիից չորեքշաբթի գիշերը ամբողջությամբ ոչնչացնել Իրանը, եթե Թեհրանը մինչ այդ չբացի Հորմուզի նեղուցը։