Իրանը բարիդրացիական հարաբերություններ է պահպանում տարածաշրջանի բոլոր երկրների, այդ թվում՝ Կատարի հետ։ Այս մասին հայտարարել է արտգործնախարար Աբբաս Արաղչին իր կատարցի գործընկեր Մոհամմեդ բին Աբդուլռահման ալ Թանիի հետ հեռախոսազրույցի ժամանակ։
«Իրանի արտգործնախարարը, ընդգծելով երկրի հանձնառությունը տարածաշրջանի երկրների, այդ թվում՝ Կատարի հետ բարեկամական հարաբերությունները պահպանելու և զարգացնելու հարցում, նշել է, որ ստեղծված իրավիճակը բացառապես պայմանավորված է ԱՄՆ-ի և սիոնիստական ռեժիմի կողմից Իրանի դեմ իրականացվող ռազմական ագրեսիայով, ինչպես նաև ԱՄՆ-ի կողմից տարածաշրջանի երկրներում իր ռազմական բազաների և ակտիվների չարաշահմամբ՝ Իսլամական Հանրապետության դեմ ագրեսիա իրականացնելու համար», – ասվում է արտգործնախարարության Telegram ալիքում հրապարակված հայտարարության մեջ։
Իրանի դիվանագիտական առաքելությունը նաև հիշեցրել է Կատարին, որ երկիրը միջազգային իրավական պարտավորություններ է ստանձնել՝ «կանխելու այլ երկրների կողմից իր տարածքի օգտագործումը երրորդ երկրների դեմ ռազմական ագրեսիայի համար»։ Արաղչին հույս է հայտնել, որ տարածաշրջանի երկրները կշարժվեն «դեպի կոլեկտիվ և ներքին խաղաղություն և անվտանգություն»։
Իսլամական Հանրապետության արտաքին գործերի նախարարությունը, ի թիվս այլ բաների, Դոհայի ուշադրությունը հրավիրել է այն փաստի վրա, որ դպրոցների, համալսարանների, հիվանդանոցների, արդյունաբերական և միջուկային օբյեկտների վրա ԱՄՆ-ի և Իսրայելի հարվածները «պետք է քննարկվեն … ազգային դատարաններում և միջազգային մարմիններում»։