Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին զգուշացրել է, որ Իրանի Բուշերի ատոմակայանի մոտակայքում վերջերս տեղի ունեցած ռազմական գործունեությունը կարող է հանգեցնել լուրջ ճառագայթային վթարի, ասվում է գործակալության հայտարարության մեջ։
«ՄԱԳԱՏԷ-ի գլխավոր տնօրեն Ռաֆայել Գրոսսին զգուշացնում է, որ Բուշերի ատոմակայանի մոտակայքում շարունակվող ռազմական գործունեությունը կարող է հանգեցնել լուրջ ճառագայթային վթարի՝ վնասակար հետևանքներով Իրանի և նրա սահմաններից դուրս գտնվող մարդկանց և շրջակա միջավայրի համար, քանի որ այն գործող կայան է և ունի մեծ քանակությամբ միջուկային վառելիք,», – ասվում է ՄԱԳԱՏԷ-ի պաշտոնական սոցիալական ցանցերի էջերում հրապարակված հայտարարությունում:
Գրոսսին կոչ է արել դադարեցնել ատոմակայանի և դրա շրջակայքի վրա հարձակումները՝ նշելով այն փաստը, որ դրանք զգալի սպառնալիք են ներկայացնում միջուկային անվտանգության համար։
Շաբաթ օրը Իրանի ատոմային էներգիայի կազմակերպությունը հայտնեց, որ Բուշերի ատոմակայանը ենթարկվել է ԱՄՆ-ի և Իսրայելի հարձակումների, ինչի հետևանքով զոհվել է մեկ աշխատակից։ Սա ատոմակայանի վրա փետրվարի 28-ին Իրանի շուրջ հակամարտության սկսվելուց ի վեր չորրորդ հարձակումն է։