Վրաստանի և Ադրբեջանի միջև հարաբերությունները շատ կենսունակ են։ Մեր հարաբերությունները ներառում են համագործակցություն տարբեր ոլորտներում։
Ադրբեջանական APA լրատվական գործակալությունը հաղորդում է, որ Վրաստանի արտաքին գործերի նախարար Մակա Բոճորիշվիլին այս հայտարարությունն արել է՝ մեկնաբանելով Ադրբեջանի նախագահ Իլհամ Ալիևի Թբիլիսի կատարած պետական այցը։
Նա նշել է, որ բարձրաստիճան պաշտոնյաների հանդիպումները մեծ նշանակություն ունեն։
«Մեր ռազմավարական գործընկերոջ, հարևանի և բարեկամ երկրի ղեկավարի այցը Վրաստան շատ կարևոր է մեզ համար։ Ադրբեջանի նախագահը կհանդիպի վարչապետի և Վրաստանի նախագահի հետ։ Կարևոր է ամրապնդել հարևան և բարեկամ պետությունների միջև քաղաքական և տնտեսական հարաբերությունները, հատկապես տարածաշրջանում տեղի ունեցող զարգացումների ֆոնին։ Ադրբեջանի նախագահի Վրաստան կատարած այցի ընթացքում մենք կքննարկենք բոլոր կարևոր հարցերը», – հավելել է Բոճորիշվիլին։