Ուկրաինայի նախագահ Վլադիմիր Զելենսկին Սիրիայում է։ Այս մասին Ուկրաինայի նախագահը հայտարարել է սոցիալական ցանցերում։
Հաղորդագրության համաձայն՝ Զելենսկին բանակցություններ է վարել Սիրիայի նախագահ Ահմեդ աշ-Շարաայի հետ։
Սիրիայի նախագահ Ահմեդ ալ-Շարաայի հետ հանդիպումից հետո Վլադիմիր Զելենսկին մեծ հետաքրքրություն է հայտնել ռազմական և անվտանգության ոլորտում փորձի փոխանակման հարցում։
«Մենք համաձայնեցինք համատեղ աշխատել՝ մեր հասարակությունների համար ավելի մեծ անվտանգություն և զարգացման հնարավորություններ ապահովելու համար։ Մենք քննարկեցինք տարածաշրջանում ստեղծված իրավիճակը և դրա բարելավման հեռանկարները։ Մենք նաև քննարկեցինք Ռուսաստանի կողմից Ուկրաինայի դեմ պատերազմի հանգամանքները, և ես շնորհակալ եմ աջակցության համար։ Մեծ հետաքրքրություն կա ռազմական և անվտանգության ոլորտում փորձի փոխանակման նկատմամբ։ Շնորհակալություն մեր ժողովրդի նկատմամբ ձեր հարգանքի խոսքերի համար», – գրել է Զելենսկին։