Սերբիայի նախագահ Ալեքսանդր Վուչիչը հայտնել է, որ իրավապահները Սերբիայից դեպի Հունգարիա գնացող գազատարի մոտ հայտնաբերել են պայթուցիկ նյութերով երկու խոշոր փաթեթ։
Նրա խոսքով՝ պայթուցիկը ունեցել է այնքան մեծ ավերիչ ուժ, որ կարող էր վտանգ ներկայացնել բազմաթիվ մարդկանց համար և պատճառել զգալի վնաս։
Նա այս լուրը քննարկել է Հունգարիայի վարչապետ Վիկտոր Օրբանի հետ։
«Կան որոշ հետքեր, որոնց մասին չեմ կարող խոսել։ Տարածքը մեծ է, կա մեծ լիճ, ուստի որոնումները շատ երկար են տևել, և ուղղաթիռային ստորաբաժանումները շատ են օգնել», – նրա խոսքերն է փոխանցում Kurir-ը։