ԱՄՆ նախագահ Դոնալդ Թրամփը հայտնել է, որ իրականացվել է որոնողափրկարարական գործողություն և փրկվել են խոցված F-15 կործանիչի օդաչուները։
«Վերջին մի քանի ժամերի ընթացքում Միացյալ Նահանգների զինված ուժերը իրականացրել են ԱՄՆ պատմության ամենահամարձակ որոնողափրկարարական գործողություններից մեկը՝ մեր հրաշալի անձնակազմի սպաներից մեկի համար, ով նաև բարձր հարգանք վայելող գնդապետ է, և ես ուրախությամբ հայտնում եմ, որ այժմ անվտանգ է և առողջ։ Այս քաջ մարտիկը գտնվում էր թշնամու թիկունքում՝ Իրանի վտանգավոր լեռներում։
Իմ հանձնարարությամբ՝ ԱՄՆ զինված ուժերը ուղարկել են տասնյակ օդանավեր՝ զինված աշխարհի ամենահզոր զենքերով, նրան դուրս բերելու համար։ Նա վնասվածքներ է ստացել, սակայն նա լիովին կվերականգնվի։
Այս հրաշք որոնողափրկարարական գործողությունը հաջորդում է նաև երեկ իրականացված մեկ այլ օդաչուի հաջող փրկությանը, որի մասին մենք չէինք հաստատել, որպեսզի չվտանգենք երկրորդ փրկարարական գործողությունը։
Այն փաստը, որ մենք կարողացանք իրականացնել այս երկու գործողությունները՝ առանց անգամ ՄԵԿ ամերիկացու զոհվելու կամ վիրավորվելու, ևս մեկ անգամ ապացուցում է, որ մենք հասել ենք Իրանի երկնքում բացարձակ օդային գերակայության»,-նշել է ԱՄՆ նախագահը։