Հայ հեղափոխական դաշնակցություն կուսակցության (ՀՅԴ) երիտասարդական թևի պատվիրակությունը Ստամբուլում կայացած iusyglobal համագումարում բարձրացրել է Արցախին առնչվող հարցեր: Այս մասին հայտնում է կազմակերպության մամուլի ծառայությունը։
Միջոցառման ընթացքում ՀՅԴ ներկայացուցիչները շեշտը դրել են Արցախից հայերի բռնի տեղահանման, նրանց վերադարձի իրավունքի, ինչպես նաև Բաքվում պահվող հայ գերիների անհապաղ և անվերապահ ազատ արձակման անհրաժեշտության վրա:
Բացի այդ, պատվիրակությունն անդրադարձել է Հայաստանում ժողովրդավարության հետընթացին և ընդդիմադիր ուժերի, այդ թվում՝ ՀՅԴ-ի և նրա երիտթևի հետապնդումներին:
Պատվիրակության կազմում էին Սյունե Գևորգյանը, Տաթև Տեր-Մարտիրոսյանը և Քրիստ Պրուդյանը:
