Պենտագոնը հաստատել է ԱՄՆ բանակի շտաբի պետ, գեներալ Ռենդի Ջորջի հրաժարականը։
Բանակի հասարակայնության հետ կապերի գծով օգնական նախարար Շոն Փարնելը այս մասին հայտարարել է X սոցիալական մեդիա հարթակում։
Նա հայտարարել է, որ Ջորջը լքում է ԱՄՆ բանակի 41-րդ շտաբի պետի պաշտոնը։ Նա պարզաբանել է, որ որոշումն ուժի մեջ է մտնում անմիջապես։ Ավելին, գեներալը թոշակի է անցնում զինվորական ծառայությունից։
Ավելի վաղ CBS-ը հայտնել էր, որ ԱՄՆ պաշտպանության նախարար Փիթ Հեգսեթը պահանջել է, որ Ջորջը անհապաղ հրաժարական տա:
Հեռուստաալիքի աղբյուրների համաձայն՝ Հեգսեթը մտադիր է այդ պաշտոնում նշանակել այնպիսի անձի, որը կիրականացնի ԱՄՆ նախագահ Դոնալդ Թրամփի և Պենտագոնի ղեկավարության կողմից առաջարկված բանակի զարգացման տեսլականը։
Հրապարակման համաձայն՝ գեներալ Քրիստոֆեր Լանիվը համարվում է պաշտոնի ամենահավանական թեկնածուներից մեկը։ Նախկինում նա եղել է Ջորջի տեղակալը և նաև Հեգսեթի օգնականը։