Մեծ Բրիտանիան պատրաստ է տնտեսական ճնշում գործադրել Իրանի վրա՝ Հորմուզի նեղուցում միջազգային նավագնացությունը վերականգնելու համար, ITV-ի եթերում հայտարարել է Մեծ Բրիտանիայի արտաքին գործերի նախարար Իվետ Քուփերը։
«Մենք հստակեցնում ենք, որ մեզ անհրաժեշտ է դիվանագիտական և տնտեսական ճնշում», — ասել է նախարարը Հորմուզի նեղուցի փակման վերաբերյալ անվտանգության համաժողովից հետո։
Իվետ Քուպերը Լոնդոնում ավելի քան 40 երկրների ներկայացուցիչների հետ առցանց հանդիպման ժամանակ մեղադրել էր Իրանին համաշխարհային տնտեսությունը «պատանդ պահելու» մեջ:
Մասնակից երկրները քննարկել են համակարգված տնտեսական և քաղաքական միջոցներ ձեռնարկելու հնարավորությունը, եթե Իրանը չբացի նեղուցը:
Կոչ է արվել անհապաղ և անվերապահորեն վերաբացել նեղուցը նավարկության համար՝ մերժելով Իրանի կողմից անցման համար տուրքեր սահմանելու ցանկացած փորձ:
Նշվել է, որ նեղուցի փակումը հանգեցրել է էներգակիրների գների կտրուկ աճի (Brent տեսակի նավթի գինը գերազանցել է 100-114 դոլարը) և սպառնում է համաշխարհային պարենային անվտանգությանը:
Հանդիպմանը ԱՄՆ-ն ներկա չի եղել: Նախագահ Դոնալդ Թրամփը հայտարարել է, որ նեղուցի անվտանգության ապահովումն այն երկրների գործն է, որոնք կախված են այդ ուղուցից: