Իրանի Իսլամական հեղափոխության պահապանների կորպուսի «Ֆաթեհին» հատուկ ստորաբաժանման հրամանատար, բրիգադի գեներալ Մոհամմադ Ալի Ֆաթալիզադեն զոհվել է ավիահարվածի հետևանքով։ Այս մասին հաղորդել է «Defa Press» պարբերականը։
Տեղեկությունների համաձայն՝ նա սպանվել է ապրիլի 1-ին՝ Իրանի տարածքում շարունակվող ԱՄՆ-ի և Իսրայելի հարվածների ընթացքում։ Դեպքի այլ մանրամասներ առայժմ չեն հրապարակվել։
Պաշտոնական հաստատումներ կամ լրացուցիչ մեկնաբանություններ այլ աղբյուրներից դեռևս չեն ներկայացվել։ Տեղեկությունը մնում է ընթացիկ ճշտման փուլում։
Հավելենք՝ «Ֆաթեհին» ստորաբաժանման զինծառայողները անցնում են բարձր մակարդակի ռազմական պատրաստություն և նախկինում մասնակցել են նաև Սիրիայում իրականացված ռազմական գործողություններին։