Գրենլանդիայում երեք լրացուցիչ տարածքների, այդ թվում՝ երկու լքված ռազմաբազաների հասանելիության համար ԱՄՆ Պենտագոնը բանակցություններ է վարում Դանիայի հետ։
Սա տասնամյակների ընթացքում Արկտիկայում ամերիկյան ռազմական ներկայության առաջին ընդլայնումն է։ Հյուսիսային հրամանատարության պետ գեներալ Գրեգորի Գիլոտը հայտարարել է, որ նպատակը աճող սպառնալիքներին դիմակայելու և ռազմավարական դիրքերն ամրապնդելու համար ավելի շատ նավահանգիստների ու օդանավակայանների հասանելիություն ապահովելն է։
Գրենլանդիայի որոշ բնակիչներ դեմ են նախաձեռնությանը, իսկ Դանիան հայտնվել է դժվարին իրադրությունում։ ԱՄՆ-ն արդեն ունի լայն ռազմական հասանելիություն կղզում՝ հիմնվելով 1951թ․ դանիա-ամերիկյան պաշտպանական համաձայնագրի վրա։