Ուզպեքիստանի մայրաքաղաք Տաշքենդի մէջ տեղի ունեցած Ակզամովի յիշատակի 19-րդ ճատրակի մրցաշարքի ախոյեան դարձաւ հայ վարպետ Հայկ Մարտիրոսեան:
10 փուլերէ ետք Հայկ Մարտիրոսեան պահեց իր ջնջին տարբերութիւնը ռուս Արտեմ Ուսքովի նկատմամբ, որ նոյնպէս 7.5 կէտերով աւարտեց մրցաշարքը:
Ուզպեք Ապտիմալիք Ապտիսալիմով 7 կէտերով գրաւեց 3-րդ դիրքը 6 այլ մրցակիցներու նման, որոնք 7-ական կէտերով աւարտած էին:
Նշենք, թէ 101 ներկայացուցիչներ մասնակցեցան այս մրցաշարքին: