30 մարտի 2026 – 13:43 AMT
PanARMENIAN.Net – Շենգավիթի համալիր մարզադպրոցում բացվել է խոտի հոկեյի՝ մականախաղի նոր մարզադաշտը։ Բացման խորհրդանշական արարողությունը իրականացրել են Տիգրան Գաբրիելյանը և Հայաստանի խոտի հոկեյի ֆեդերացիայի գլխավոր քարտուղար Արման Վարդանյանը։
Միջոցառումն ուղեկցվել է գեղարվեստական և մարզական ծրագրերով, որոնցում ընդգրկվել են պարային բեմադրություններ և ակրոբատիկ ելույթներ։
Մարզադաշտի պաշտոնական բացումից անմիջապես հետո մեկնարկել է մինչև 18 տարեկան տղաների Հայաստանի Հանրապետության խոտի հոկեյի առաջնությունը։
Նոր կառուցված մարզադաշտը նպատակաուղղված է խոտի հոկեյի տարածմանը, մարզիկների պատրաստվածության մակարդակի բարձրացմանը և համայնքում առողջ ապրելակերպի խթանմանը։