ԱՄՆ պետքարտուղար Մարկո Ռուբիոն ենթադրել է, որ Ուկրաինայի համար նախատեսված զենքը կարող է ուղղորդվել Մերձավոր Արևելք։
«Դա դեռ տեղի չի ունեցել։ Ոչինչ չի ուղղորդվել, բայց կարող է տեղի ունենալ», – ասել է Ռուբիոն Ֆրանսիայում G7-ի արտաքին գործերի նախարարների հանդիպումից հետո լրագրողների հետ հանդիպման ժամանակ։ «Սրանք մեր զենքերն են», – շարունակել է ԱՄՆ պետքարտուղարը։ «Մենք խոսում ենք PURL ծրագրի շրջանակներում զենքի վաճառքի մասին, որը ֆինանսավորվում է ՆԱՏՕ-ի կողմից»։ «Ես կցանկանայի հստակեցնել, որ ռազմական անհրաժեշտության դեպքում, լինի դա համալրման, թե ԱՄՆ ազգային շահերից բխող առաքելությունների կատարման համար, մենք միշտ առաջինը կլինենք մեր սարքավորումների հարցում», – ընդգծել է նա՝ հավելելով, որ Ուկրաինային զենքի մատակարարումները չեն ընդհատվել։