27 մարտի 2026 – 16:38 AMT
PanARMENIAN.Net – «Ինտերի» կիսապաշտպան Հենրիխ Մխիթարյանը կարող է ավարտել կարիերան ընթացիկ մրցաշրջանից հետո։ Ըստ Մատեո Մորետտոյի տեղեկությունների՝ նոր պայմանագիր կնքելու շուրջ բանակցությունները դադարել են, հայտնում է Euro football-ը։
37-ամյա հայ ֆուտբոլիստի գործող պայմանագիրը լրանում է 2026 թվականի հունիսի 30-ին:
«Կողմերի միջև նոր պայմանագիր կնքելու շուրջ բանակցությունները դադարել են։ Եթե Մխիթարյանը չկարողանա համաձայնության գալ «Ինտերի» հետ նոր պայմանագրի շուրջ, նա կարող է մտածել կարիերան ավարտելու մասին»,-գրում է Euro football-ը։
Մխիթարյանն այս մրցաշրջանում միլանյան ակումբի կազմում անցկացրել է 30 հանդիպում բոլոր մրցաշարերում՝ դառնալով երկու գոլի հեղինակ և կատարելով երեք գոլային փոխանցում։
Հենրիխ Մխիթարյանը «Ինտեր» է տեղափոխվել «Ռոմայից» 2022 թվականին։