Դատախազությունը վերաքննիչ բողոք կներկայացնի պետական դավաճանության մեջ մեղադրվող ԱԳՆ աշխատակցի արդարացման դատավճռի դեմ։
Aysor.am-ին ՀՀ գլխավոր դատախազությունից հայտնեցին, որ Առաջին ատյանի դատարանի որոշումը բողոքարկելու են։
Հիշեցնենք՝ պետական դավաճանության մեջ մեղադրվող ԱԳՆ աշխատակից Աշխեն Ալեքսանյանն արդարացվել է։
Նրա փաստաբանն Aysor.am-ին հայտնել է, որ առաջադրված մեղադրանքը փոխվել է, և գործողությունները որակվում են որպես պաշտոնեական լիազորությունների չարաշահում։
Ըստ փաստաբանի՝ Աշխեն Ալեքսանյանը ենթարկվել է հանիրավի հանրային պարսավանքի, լուսանկարներ են տարածվել, անմեղության կանխավարկածն է խախտվել, իրականության հետ կապ չունեցող տեղեկություններ են շրջանառության մեջ դրվել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: