Իրանի Սպահան քաղաքում ԱՄՆ-ի և Իսրայելի կողմից հասցված ավիահարվածների հետևանքով զոհվել է առնվազն 26 մարդ, հաղորդում է իրանական «Մեհր» լրատվական գործակալությունը՝ հղում անելով տեղական իշխանություններին։
«Երեկ Սպահանի Հաֆթուն բնակելի թաղամասի վրա ԱՄՆ-ի և Իսրայելի կողմից իրականացված հարձակման հետևանքով զոհվել է 26 մարդ, այդ թվում՝ յոթ երեխա և յոթ կին», – ասվում է հաղորդագրության մեջ։