Ռուսաստանի նախագահ Վլադիմիր Պուտինի հրամանագրով ապրիլի 1-ից ֆիզիկական անձանց արգելվում է Ռուսաստանից դեպի Եվրասիական տնտեսական միության (ԵԱՏՄ) երկրներ արտահանել 100 հազար ԱՄՆ դոլարին համարժեքը գերազանցող կանխիկ ռուբլի՝ որոշ բացառություններով, հայտնում է «ՌԻԱ Նովոստի»-ն:
«Բացառությամբ այն դեպքերի, երբ նման արժույթի արտահանումը իրականացվում է Ռուսաստանի Դաշնության պետական սահմանի օդային անցակետերով՝ Ռուսաստանի Դաշնության կառավարության կողմից սահմանված միջազգային օդանավակայաններում, բանկային քաղվածքների առկայության դեպքում, որոնք վավերացված են դրանք տրամադրած վարկային կազմակերպության կողմից սահմանված կարգով և հաստատում են Ռուսաստանի Դաշնության արժույթի կանխիկացման փաստը», – նշված է հրամանագրում:
ԵԱՏՄ անդամ են Ռուսաստանը, Հայաստանը, Բելառուսը, Ղազախստանը, Ղրղզստանը:
