Երևանը միանում է «Երկրի ժամ» համաշխարհային բնապահպանական նախաձեռնությանը․ տեղեկացնում է Երևանի քաղաքապետարանը։
«Մարտի 28-ին՝ ժամը 20:30-ից մինչև 21:30-ը, մայրաքաղաքում կանջատվի հիմնական փողոցների և շենքերի արտաքին լուսավորությունը։
Վերջին տարիներին Երևանում իրականացվում է արտաքին լուսավորության ցանցի լայնածավալ արդիականացում․ հին համակարգերը փոխարինվում են էներգախնայող, ժամանակակից լուծումներով, ինչի արդյունքում նվազում է լուսային աղտոտվածությունը և բարելավվում է գիշերային միջավայրը։
Հաջորդիվ կպատմենք քաղաքում այս գործընթացի զարգացման մասին»,- ասված է հաղորդագրությունում։