Իրանի նախագահ Մասուդ Փեզեշքիանը կոչ է արել BRICS-ին «անկախ դեր» խաղալ Մերձավոր Արևելքի հակամարտության մեջ: Այս մասին հայտարարել է Նյու Դելիում Իրանի դեսպանատունը՝ Փեզեշքիանի և Հնդկաստանի վարչապետ Նարենդրա Մոդիի միջև հեռախոսազրույցից հետո:
«Հղում անելով BRICS-ում Հնդկաստանի ներկայիս նախագահությանը՝ Փեզեշքիանը կոչ արեց խմբին անկախ դեր խաղալ Իրանի դեմ ագրեսիան դադարեցնելու և տարածաշրջանային ու միջազգային խաղաղությունն ու կայունությունն ապահովելու գործում», – գրել է Մեծ Բրիտանիայի դեսպանատունը։
Դիվանագիտական առաքելությունը նաև հայտնել է, որ Իրանի նախագահը «առաջարկել է ստեղծել Մերձավոր Արևելքի երկրներից բաղկացած տարածաշրջանային անվտանգության կառույց, որի նպատակն է տարածաշրջանում խաղաղությունն ու կայունությունն ապահովել տարածաշրջանային համագործակցության միջոցով՝ առանց արտաքին միջամտության»։