Քաղաքագետներ Միքայել Զոլյանն ու Էդգար Վարդանյանը Radar Armenia-ի «պալիԾիկա» պոդկաստի շրջանակներում քննարկել են Իրանի շուրջ զարգացումները։
Միքայել Զոլյանը համաձայնվել է Էդգար Վարդանյանի դիտարկմանը, որ Իրանում կրոնը, պետությունն ու աշխարհիկ կյանքը սերտաճած են։
«Տերմին կա՝ թեոնոմիզմ, երբ համարում ես, որ աշխարհիկ կյանքը պետք է կառավարվի քո կրոնի օրենքներով, և դա շատ տարածվող երևույթ է»,- ասել է նա։
Արձանագրվել է, որ հայտնվել ենք մի իրավիճակում, երբ համաշխարհային միջազգային հարաբերությունների համակարգը լուրջ տրանսֆորմացիա է ապրում. «Այն համեմատելի է առաջին և երկրորդ համաշխարհային պատերազմների հետ, սառը պատերազմի ավարտի հետ»,- ասել է նա։