Վերաքննիչ դատարանը մերժել է Շիրակի թեմի առաջնորդ Միքայել արքեպիսկոպոս Աջապահյանի խափանման միջոց տնային կալանքը փոխելու միջնորդությունը, սակայն նրան թույլատրվել է մասնակցել պատարագներին։Այս մասին հայտնում է 1lurer.am-ը:
Հիշեցնենք, որ Աջապահյանի հայտարարությունների հիման վրա հարուցվել էր քրեական վարույթ՝ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերի համար։
Դատարանի վճռով նա դատապարտվել է 2 տարվա ազատազրկման՝ մեղավոր ճանաչվելով իշխանությունը զավթելու հրապարակային կոչեր հնչեցնելու մեջ։