16 մարտի 2026 – 18:17 AMT
PanARMENIAN.Net – Մարիամ Ստեփանյանը նշանակվել է կանանց ֆուտբոլի ազգային հավաքականի գլխավոր մարզիչ, հայտնում է Հայաստանի ֆուտբոլի ֆեդերացիան:
Մինչ այդ, նագլխավորում էրկանանց Հայաստանի Մ-19 հավաքականը։
«Ուրախությամբ և մեծ պատասխանատվությամբ ընդունում եմ գլխավոր մարզչի պաշտոնը։ Հպարտ եմ, որ ունեմ հնարավորություն աշխատելու այս թիմի հետ։ Հուսով եմ՝ միասին կաշխատենք նվիրվածությամբ և կհասնենք դրական արդյունքի։ Բոլորիս մաղթում եմ հաջողություն այս ճանապարհին»,- նշել է Ստեփանյանը։
Ավելի վաղ ՀՖՖ-ն տեղեկացրել էր, որ Արտակ Ադամյանը որոշել է այլևս չշարունակել աշխատանքը Հայաստանի կանանց ազգային հավաքականում։ Ֆեդերացիան շնորհակալություն է հայտնել Արտակ Ադամյանին կատարած պրոֆեսիոնալ և նվիրված աշխատանքի համար։
Կանանց Հայաստանի ազգային հավաքականը ԱԱ 2027-ի որակավորման փուլում ընդգրկվել է C լիգայի C6 խմբում։ Մեկնարկային խաղում թիմը 0:3 հաշվով զիջել է Ղազախստանին։
Հայաստանի հավաքականի հաջորդ հանդիպումը նախատեսված է ապրիլի 14-ին։ Այդ օրը թիմը սեփական հարկի տակ կընդունի Բելառուսի ընտրանուն։