Իրանցի զինվորականները հարվածներ են հասցրել Իսրայելում մի շարք թիրախների և Մերձավոր Արևելքում ԱՄՆ-ի ռազմաբազաների ուղղությամբ: Այս մասին հայտնում է Իրանի Իսլամական հեղափոխության պահապանների կորպուսը (ԻՀՊԿ):
«Հաջողությամբ իրականացվել է «Իրական խոստում 4» գործողության 55-րդ ալիքը Թել Ավիվում և Բեն Գուրիոնում»,- ԻՀՊԿ-ի հայտարարությունն է մեջբերում Fars-ը:
Լրատվամիջոցի տվյալներով՝ հարձակման են ենթարկվել Իսրայելի սպառազինությունների արտադրության և լիցքավորման օժանդակ կենտրոնները, ինչպես նաև ԱՄԷ-ում ամերիկյան «Ալ-Դաֆրա», Բահրեյնում «Ջուֆեյր» և «Շեյխ-Իսա» ռազմաբազաների օբյեկտները: