Քրեմլինի բանբեր Տմիթրի Փեսքով յայտնեց, որ ֆրանսացի պատուիրակ մը այցելած է Ռուսիա` «Ուքրանիոյ շուրջ երկխօսութեան» ծիրին մէջ: Փեսքով այս մասին յայտնեց բրիտանական «Ֆայնենշըլ Թայմզ» օրաթերթին:
«Ան իրեն հետ որեւէ դրական ցուցանիշ չբերաւ», նշեց ան:
Ռուսիոյ նախագահի բանբերը յայտնեց. «Եւրոպացիները չեն ուզեր խաղաղութեան հոլովոյթին աջակցիլ: Երբ ֆրանսացի պատուիրակը հասաւ, իրեն հետ որեւէ դրական ցուցանիշ չբերաւ, այդ պատճառով ալ ինք եւս որեւէ դրական բան չլսեց»:
«Եւրոպացիները իրենց առաւելագոյն ջանքը կը թափեն Ուքրանիան համոզելու զինուորական գործողութիւնը շարունակելու», նշեց Փեսքով:
«Բանակցութիւնները ժամանակաւորապէս դադրեցան, որովհետեւ ամերիկացիները այլ առաջնահերթութիւններ ունին, եւ ատիկա հասկնալի է», յայտնեց Քրեմլինի բանբերը:
Ան վերահաստատեց, որ Ռուսիան Ուքրանիոյ հակամարտութեան խաղաղ լուծման նկատմամբ դրական տրամադրուած է: