Միջազգային հանրությունը պետք է պատասխանատվություն ցուցաբերի և զերծ մնա ցանկացած գործողությունից, որը կարող է սրել Իրանի շուրջ հակամարտությունը։ Իրանի արտաքին գործերի նախարար Աբբաս Արաղչին այս մասին հայտարարել է իր ֆրանսիացի գործընկեր Ժան-Նոել Բարոյի հետ հեռախոսազրույցի ժամանակ։
«Մեր երկրի արտաքին գործերի նախարարը ընդգծել է, որ բոլոր երկրները պետք է պատասխանատու կերպով մոտենան այս իրավիճակին և վճռականորեն դատապարտեն Իրանի վրա հարձակված ագրեսորների հանցավոր գործողությունները, ինչպես նաև զերծ մնան ցանկացած գործողությունից, որը կարող է սրել իրավիճակը և ընդլայնել հակամարտությունը», – Արաղչիի խոսքերը մեջբերել է Իրանի արտաքին գործերի նախարարության մամուլի ծառայությունը։