Երևանի քաղաքապետարանից հայտնում են․
KARCHER ընկերության հրավերով Կենտրոն վարչական շրջանի ղեկավար Պետրոս Պետոյանը, Երևանի քաղաքապետարանի «Աղբահանություն և սանիտարական մաքրում» հիմնարկի տնօրեն Սաշա Կատվալյանը և կոմունալ տնտեսության վարչության աշխատակիցներն այցելեցին Լատվիայի հանրապետության Ելգավա քաղաք` ծանոթանալու Երևանի քաղաքապետարանի կողմից ձեռք բերված 10 բազմաֆունկցիոնալ (փոշեկուլ, ձնամաքրող և բարձր ճնշման սարքով զինված) մեքենաների առանձնահատկություններին և հավաքման ընթացքին։
Առավելագույնը 2 ամսից այս ավտոմեքենաները կլինեն Երևանում` նպաստելով մայրաքաղաքի սանմաքրման որակի բարձրացմանը։