Իրանը Ռուսաստանին և Չինաստանին համարում է ռազմավարական գործընկերներ, և Թեհրանը շարունակում է համագործակցել Պեկինի և Մոսկվայի հետ, այդ թվում՝ ռազմական ոլորտում։ Այս մասին հայտարարել է Իրանի արտաքին գործերի նախարար Աբբաս Արաղչին։
«Ռուսաստանը և Չինաստանը մեր ռազմավարական գործընկերներն են։ Մենք անցյալում սերտ համագործակցություն ենք ունեցել, և այն շարունակվում է, այդ թվում՝ ռազմական ոլորտում։ Ես մանրամասները չեմ բացահայտի», – ասել է նա MS Now հեռուստաալիքին տված հարցազրույցում։
2025 թվականի հունվարի 17-ին Կրեմլում կայացած բանակցություններից հետո Ռուսաստանի և Իրանի նախագահներ Վլադիմիր Պուտինը և Մասուդ Պեզեշկիանը ստորագրել են Համապարփակ ռազմավարական գործընկերության պայմանագիր՝ 20 տարի ժամկետով՝ հաջորդող հնգամյա ժամանակահատվածների համար ավտոմատ երկարաձգմամբ։ Համաձայնագիրը ներառում է երկկողմ համագործակցության բոլոր ոլորտները և բացում է նոր հորիզոններ համագործակցության տարբեր ոլորտներում, այդ թվում՝ պաշտպանության, ահաբեկչության դեմ պայքարի, էներգետիկայի, ֆինանսների, տրանսպորտի, արդյունաբերության, գյուղատնտեսության, մշակույթի, գիտության և տեխնոլոգիայի։
Կողմերը պարտավորվել են չօգնել ագրեսորներին Ռուսաստանի կամ Իրանի վրա հարձակման դեպքում, սակայն փաստաթուղթը չի նախատեսում ռազմական օգնություն համաձայնագրի կողմերից մեկի վրա զինված հարձակման դեպքում։