Հորմուզի նեղուցով տարանցման թույլտվություն խնդրող նավերը պետք է համակարգեն իրենց գործողությունները Իրանի ռազմածովային ուժերի հետ։ Այս մասին հայտարարել է Իրանի արտաքին գործերի նախարարության պաշտոնական խոսնակ Էսմայիլ Բաղային։
«ԱՄՆ-ի և սիոնիստական ռեժիմի կողմից տարածաշրջանում առաջացած անկայունությունը կարող է ազդել նավագնացության վրա, սակայն Իրանը չի ցանկանում, որ նեղուցը դառնա վտանգավոր, և նավերը պետք է համակարգեն իրենց գործողությունները Իրանի ռազմածովային ուժերի հետ՝ անվտանգ նավարկություն ապահովելու համար», – նրա խոսքերն է մեջբերել «Mehr» լրատվական գործակալությունը։