Իսրայելական բանակը հայտարարել է, որ հարվածների նոր ալիք է սկսել Բեյրութի ողջ տարածքում «Հըզբոլլահի» դիրքերի դեմ:
«Իսրայելի պաշտպանության ուժերը (ԻՊՈւ) Բեյրութի ողջ տարածքում «Հըզբոլլահի» ահաբեկչական թիրախների դեմ մի շարք հարվածներ են հասցրել», – ասվում է ԻՊՈւ մամուլի ծառայության հայտարարության մեջ։
«Al Jadeed»-ը հաղորդել է, որ Իսրայելի ռազմաօդային ուժերի ինքնաթիռները ճշգրիտ հարված են հասցրել Բեյրութի կենտրոնական Էլ-Բաշուրա թաղամասում գտնվող բազմահարկ շենքին:
Հաղորդագրության համաձայն, բնակիչները հազիվ են կարողացել տարհանվել շենքից՝ Իսրայելի ռազմական հրամանատարությունից ավիահարվածի մասին անհապաղ նախազգուշացում ստանալուց հետո։
Վերին երկու հարկերը վնասվել են: Շենք են ժամանել հրշեջներ և շտապօգնության մեքենաներ։