Իրանի գերագույն առաջնորդ Մոջթաբա Խամենեին իր առաջին հայտարարության մեջ նշել է, որ Իրանը պետք է օգտվի «շրջափակման լծակից» եւ շարունակի շրջափակված պահել Հորմուզի նեղուցը։
Նորընտիր առաջնորդի հայտարարությունը պետական հեռուստատեսությամբ կարդացել է հաղորդավարը։
Խամենեին հայտարարել է, որ Իրանը բարեկամական քաղաքականություն է վարում հարեւան երկրների հետ, սակայն նրանց կոչ է արել փակել ամերիկյան ռազմակայանները, որոնք Իրանի համար կշարունակեն թիրախ մնալ։
Նա նաեւ նշել է, որ չեն հրաժարվի Իրանի համար նահատակվածների արյան վրեժից, հայտնում է «Իռնա» պետական լրատվական գործակալությունը։
Տես նաեւ՝ Իրանի նորընտիր գերագույն առաջնորդ Մոջթաբա Խամենեին վիրավոր է. Բաղաեի