Իրանի Ազգային անվտանգության գերագույն խորհրդի քարտուղար Ալի Լարիջանին հայտարարել է, որ ամբողջ Մերձավոր Արևելքը «կմթնի», եթե ԱՄՆ-ն փորձի ոչնչացնել Իրանի էլեկտրաէներգիայի արտադրության հզորությունները։
«Եթե նա դա անի, կես ժամվա ընթացքում ամբողջ տարածաշրջանը կմթնի», – հայտնել է Լարիջանին՝ գրառում կատարելով սոցիալական ցանցերում։
Նա հավելել է, որ խավարը լավ պայմաններ է ստեղծում «ամերիկացի զինվորներին որսալու» համար։
Ավելի վաղ ԱՄՆ նախագահ Դոնալդ Թրամփը սպառնացել էր մեկ ժամվա ընթացքում ոչնչացնել Իրանի էլեկտրաէներգիայի արտադրության հզորությունը, սակայն հույս էր հայտնել, որ դրա անհրաժեշտությունը չի լինի։