12 մարտի 2026 – 11:38 AMT
PanARMENIAN.Net – Մերձավոր Արևելքում իրավիճակի սրման հետևանքով Իրանից Հայաստանի տարածքովտեղափոխվել են 46 երկրի քաղաքացիներ։ Այդ մասին ֆեյսբուքյան իր էջում հայտնել է ՀՀ արտաքին գործերի նախարարության խոսնակ Անի Բադալյանը։
Նախապես հայտարարվել էր 41 երկրի մասին, սակայն, վերջին օրերին դրանց թիվն ավելացել է 5-ով՝ ներառելով նաև Կանադան, Հունաստանը, Սերբիան, Ֆինլանդիան և Եգիպտոսը:
Ըստ անհրաժեշտության, ՀՀ կողմից ցուցաբերվել է աջակցություն մուտքի արտոնագրերի հարցում:
Փետրվարի 28-ին Իսրայելն ու ԱՄՆ-ն օդային հարվածներ են հասցրել Իրանին, հարվածների հետևանքով սպանվել է Իրանի գերագույն հոգևոր առաջնորդ այաթոլլա Ալի Խամենեին: Իրանը պատասխան կրակ է բացել Իսրայելի, ինչպես նաև Պարսից ծոցի երկրների ուղղությամբ, որտեղ տեղակայված են ԱՄՆ ռազմակայններ: