Չեխիայի Բարձրագույն խմբի առաջնության շրջանակներում կայացած «Բոհեմիանս»-«Սլովան Լիբերեց» հանդիպման ժամանակ զավեշտալի միջադեպ է տեղի ունեցել։
«Սլովան Լիբրեցի» դարպասապահ Տոմաշ Կոուբեկը, փորձելով ապահովագրել իր պաշտպաններին և շտկել նրանց անփույթ խաղը, որոշել է ուժեղ հարվածով գնդակն ուղարկել դաշտի սահմաններից դուրս, սակայն չի հաշվարկել հարվածի ուժը։ Գնդակը հաղթահարելով արգելապատնեշները՝ հասել է մարզադաշտի հարևանությամբ գտնվող բազմահարկ շենքին և բախվել պատշգամբներից մեկի պատուհանին։
Միջադեպը նյութական վնասներ չի պատճառել, փոխարենը ծիծաղ է առաջացրել մարզադաշտում հավաքված երկրպագուների շրջանում։
🇨🇿 Meanwhile, in the Czech First League, goalkeeper Tomas Koubek clears the ball into someone’s house in the match between Bohemians vs. Slovan Liberec.pic.twitter.com/q6KHnR8ZHI
— Football Tweet ⚽ (@Footballtweet) March 9, 2026