11 մարտի 2026 – 18:09 AMT
PanARMENIAN.Net – 2024 թվականի հունվարի 15-ին ՊԵԿ Բավրայի մաքսային բաժնի հինգ տեսուչ վիճաբանել են Վրաստանից Հայաստան վերադարձող չորս անձանց հետ և բռնություն են գործադրել նրանց նկատմամբ՝ նախաքննության ընթացքում հինգ մաքսային տեսուչի նկատմամբ հարուցվել է հանրային քրեական հետապնդում, հայտնում է Քննչական կոմիտեն:
Հետապնդումը հարուցվել է Քրեական օրենսգրքի 441-րդ հոդվածի 2-րդ մասի 1-ին և 4-րդ կետերով՝ պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելու կամ լիազորություններն անցնելու մեղադրանքով։
Վերջիններիս նկատմամբ որպես խափանման միջոց կիրառվել է բացակայելու արգելքը և պաշտոնավարման կասեցումը։
Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և դատարան ուղարկելու միջնորդությամբ։