ԱՄՆ-ն Իրանի դեմ ռազմական գործողության վրա օրական ծախսում է 900 միլիոն դոլար, հայտարարել է Սենատի մեծամասնության առաջնորդ Ջոն Թունը։
«Սա նշանակալի ցուցանիշ է, բայց ես կարծում եմ, որ մենք լավ դիրքում ենք։ Մենք հասնում ենք մեր նպատակներին», – լրագրողներին ասել է նա՝ հաստատելով այս թվերը։
«Սա կարևոր առաքելություն է, որը պետք է իրականացվի, և ես հույս ունեմ, որ այն շուտով կավարտվի», – ասել է սենատորը, որի պատասխանները հեռարձակվել են CSPAN հեռուստաալիքով։
Ինչպես ավելի վաղ հայտնել էր The Washington Post-ը՝ հղում անելով աղբյուրներին, Պենտագոնը գնահատում է, որ Իրանի վրա ԱՄՆ-ի սկզբնական հարվածների համար օգտագործվել է 5,6 միլիարդ դոլարի զինամթերք։