Այսօր Բալաջարի երկաթուղային կայարանից կմեկնի ռուսական հացահատիկով բեռնված բեռնատար գնացքը, որը Հայաստան է ուղևորվում Ադրբեջանի տարածքով տարանցմամբ, հայտնում են ադրբեջանական ԶԼՄ-ները։
Գնացքը բաղկացած է յոթ վագոնից, տեղափոխվող հացահատիկի ընդհանուր քաշը կազմում է 488 տոննա։ Այնուհետև կազմը կանցնի Բյոյուք Քյասիկ կայարանով, որից հետո կհատի Վրաստանի հետ սահմանը և ճանապարհը կշարունակի դեպի Հայաստան։
Փետրվարի 4-ին Ադրբեջանի տարածքով Հայաստան էր ուղարկվել 560 տոննա ռուսական հացահատիկով բեռնված ութ վագոնից բաղկացած գնացք։