Իրանի զինված ուժերը «100% հաջողությամբ» իրականացրել են Մերձավոր Արևելքում ԱՄՆ-ի և Իսրայելի թիրախների դեմ ուղղված հարվածների 30-րդ ալիքը՝ օգտագործելով անօդաչու թռչող սարքեր և առաջադեմ հրթիռներ, հաղորդում է Իսլամական հեղափոխության պահապանների կորպուսի (ԻՀՊԿ, զինված ուժերի էլիտար ճյուղ) հասարակայնության հետ կապերի ծառայությունը։
«Նոր Գերագույն առաջնորդի ընտրության հետ մեկտեղ «Ճշմարիտ խոստում 4» գործողության 30-րդ ալիքը 100% հաջողությամբ իրականացվեց տարածաշրջանում և օկուպացված տարածքների հյուսիսում գտնվող ամերիկյան ահաբեկչական բազաների դեմ՝ օգտագործելով «Խորամշահր», «Ֆաթթահ» և «Խեյբար» հրթիռներ, ինչպես նաև ռազմավարական անօդաչու թռչող սարքեր», – մեջբերել է Իրանի պետական հեռարձակողը ԻՀՊԿ-ի հայտարարությունը։