Օդային թիրախի բեկորները վնասել են ԱՄԷ-ի Դուբայ Մարինա թաղամասում գտնվող բարձրահարկ շենքի ճակատային մասը։ Այս մասին հայտնել է կառավարության մամուլի ծառայությունը։
«(Թիրախի) հաջողությամբ որսման արդյունքում առաջացած բեկորները վնասել են Դուբայ Մարինա թաղամասում գտնվող բարձրահարկ շենքի ճակատային մասը», – ասվում է մամուլի ծառայության հայտարարության մեջ։
Ըստ տեղեկությունների՝ իրավիճակը վերահսկելի է, և միջադեպի հետևանքով զոհեր չկան։