Ադրբեջանի Պետական անվտանգության ծառայությունը (ՊԱԾ) պնդում է, որ Իսլամական հեղափոխության պահապանների կորպուսը (ԻՀՊԿ) մահափորձ էր նախապատրաստում երկրի հայտնի հասարակական գործչի դեմ։
Պետական անվտանգության ծառայությունը նախկինում հայտարարել էր, որ կանխել է ահաբեկչական և դիվերսիոն գործողություններ կատարելու փորձ, որոնք, ըստ նրա, ծրագրվել էին ԻՀՊԿ-ի կողմից։
«Հետաքննությունը պարզել է, որ ԻՀՊԿ-ն Ադրբեջանում հասարակական գործչի սպանության ծրագիր էր մշակում։ Այդ նպատակով տեղական պաշտոնյաներին հանձնարարվել էր լուսանկարել և տեսանկարահանել նախատեսված թիրախի աշխատավայրը, ինչպես նաև ձեռք բերել զենք և մեքենա», – ասվում է Ադրբեջանի պետական անվտանգության ծառայության կողմից հրապարակված և պետական հեռուստաալիքով տարածված տեսանյութում։