Ադրբեջանի ազգային անվտանգության ծառայությունը կանխել է Իրանի Իսլամական հեղափոխության պահապանների կորպուսի կողմից ծրագրված մի շարք «ահաբեկչական հարձակումներ»․ նման տեղեկություն է հաղորդել պետական AzTV հեռուստաալիքը։
«Ընտրված թիրախներն էին ռազմավարական օբյեկտը՝ Բաքու-Թբիլիսի-Ջեյհան նավթամուղը, Ադրբեջանում Իսրայելի դեսպանատունը, նաև հրեական համայնքի կրոնական առաջնորդը և սինագոգներից մեկը», – ասված է հայտարարության մեջ։
Հեռուստաալիքը նաև հաղորդել է, որ հարձակման իրականացման նպատակով ԻՀՊԿ-ն երկիր է տեղափոխել պայթուցիկ սարքեր։