ԱՄՆ նախագահ Դոնալդ Թրամփը պնդում է, որ Միացյալ Նահանգներն ունի անսահմանափակ քանակությամբ զենք՝ Իրանի դեմ ռազմական գործողություն իրականացնելու համար։
«Մենք ունենք անսահմանափակ քանակությամբ զենք։ Մենք ունենք հազարավոր զենքեր», – պնդել է Սպիտակ տան ղեկավարը Politico-ին տված հարցազրույցում։
Axios-ին էլ տված հարցազրույցում Թրամփը հայտարարել է, որ կարծում է, որ ինքը պետք է անձամբ մասնակցի Իրանի նոր գերագույն առաջնորդի ընտրությանը։
Մեկնաբանելով Իսլամական Հանրապետության նոր գերագույն առաջնորդի ընտրության գործընթացը՝ ԱՄՆ նախագահը կարծիք է հայտնել, որ Իրանի փորձագետների խորհուրդը «վատնում է իր ժամանակը»։ «Ես պետք է ներգրավված լինեմ նշանակման գործընթացում, ինչպես որ ներգրավված էի Վենեսուելայի նախագահiհանձնակատար Դելսի Ռոդրիգեսի հետ», – պնդել է Սպիտակ տան ղեկավարը։ Միևնույն ժամանակ, Թրամփը Իրանի հանգուցյալ գերագույն առաջնորդ այաթոլլա Ալի Խամենեիի որդուն և լրատվամիջոցների կողմից Իսլամական Հանրապետության առաջնորդի պաշտոնի համար նախընտրելի թեկնածու Մոջթաբա Խամենեիին անվանել է «թեթև քաշ ունեցող»։
«Խամենեիի որդին ինձ համար անընդունելի է։ Մեզ անհրաժեշտ է մեկը, ով ներդաշնակություն և խաղաղություն կբերի Իրան», – հայտարարել է ԱՄՆ վարչապետը։
Մարտի 4-ին Իրանի փորձագետների խորհրդի անդամ Մահմուդ Ռաջաբին հայտարարել է, որ խորհրդատվական մարմինը սկսել է երկրի նոր գերագույն առաջնորդի ընտրության գործընթացը, իսկ քարտուղարությունը հայտարարել է վերջնական որոշումը։