ԱՄՆ վարչակազմը չի բացառում Եվրոպայում, այդ թվում՝ Լեհաստանում, ամերիկյան զորքերի թվի հետագա կրճատումը։
«Սրանք ԱՄՆ պաշտպանության նախարարության որոշումներն են՝ համաձայն նախագահ (Դոնալդ Թրամփի) հրամանների», – ընդգծել է պաշտպանության փոխնախարար Էլբրիջ Քոլբին՝ մեկնաբանելով Ռումինիայում ամերիկյան զորքերի վերջին կրճատումը և Լեհաստանում նմանատիպ քայլերի հնարավորությունը։
Քոլբին հրաժարվել է հաստատել, որ Լեհաստանում ամերիկյան զորքերի կրճատում չի լինի։ «Ես ուզում եմ զգույշ լինել՝ ցույց տալու համար, որ նախագահը պահպանում է իր հայեցողությունը», – ասել է նա Ներկայացուցիչների պալատի զինված ուժերի հանձնաժողովի լսումների ժամանակ։
Միևնույն ժամանակ, քաղաքական հարցերով պաշտպանության փոխնախարար Քոլբին կտրականապես մերժել է այն ենթադրությունները, որ ինքը անձամբ գաղտնի լոբբինգ է արել Ռումինիայում ամերիկյան զորքերի կրճատման համար։ «Թույլ տվեք կրկնել, պարոն, սա Թրամփի վարչակազմի քաղաքականությունն է։ Ես նախագահի վստահելի օգնականն եմ։ Եվ մենք հետևում ենք այս հարցի վերաբերյալ ստացված հրահանգներին», – ասել է Քոլբին՝ պատասխանելով հանձնաժողովի նախագահ Մայք Ռոջերսի (հանրապետական, Ալաբամա) նման քննադատությանը։