Կատարը խստորեն դատապարտում է Նախիջևանի օդանավակայանի վրա իրանական անօդաչու սարքերի հարձակումները։ Կատարի արտաքին գործերի նախարարության հայտարարության համաձայն՝ Կատարի պետությունը խստորեն դատապարտում է եղբայրական Թուրքիայի Հանրապետության վրա բալիստիկ հրթիռային հարվածների փորձը և Ադրբեջանի Հանրապետության օդանավակայանի վրա իրանական անօդաչու սարքերի հարձակումները։
«Այս թշնամական գործողությունները վտանգավոր սրացում են և պետական ինքնիշխանության կոպիտ խախտում՝ Իրանի անպատասխանատու հարձակումների շարքում, ինչպես նաև ուղղակի սպառնալիք տարածաշրջանի անվտանգությանն ու կայունությանը», – ասվում է հայտարարության մեջ։
Ադրբեջանում Ուկրաինայի դեսպանատունը նույնպես դատապարտել է Նախիջևանի վրա իրանական անօդաչու սարքերի հարձակումները։