Գերմանիայի պաշտպանության նախարար Բորիս Պիստորիուսը հայտարարել է, որ Գերմանիայի իշխանությունները չեն կարող թույլ տալ, որ ուշադրությունը Ուկրաինայի հակամարտությունից տեղափոխվի Մերձավոր Արևելքում տեղի ունեցողի վրա։
Բունդեսթագում Իրանին նվիրված նիստում ելույթ ունենալով՝ նա մտահոգություն է հայտնել, որ Ուկրաինայի հակամարտությունը «կվերանա օրակարգից, և ուշադրությունը կտեղափոխվի (Մերձավոր Արևելքում) ներկայիս զարգացումների ֆոնին»։ «Մենք չենք կարող դա թույլ տալ։ Այս բոլոր հակամարտությունները, ինչպես մեզ սովորեցնում է անցյալի փորձը, չեն կարող դիտարկվել մեկուսացված. դրանք բոլորը ինչ-որ կերպ փոխկապակցված են», – պնդել է Գերմանիայի պաշտպանության նախարարը։
«Ով որ անվտանգություն է փնտրում Մերձավոր Արևելքում, պետք է դա ցանկանա նաև Ուկրաինայի համար», – հայտարարել է Պիստորիուսը։
Նախարարը կոչ է արել Բունդեսթագի պատգամավորներին «չշփոթել հակամարտությունների պատճառն ու հետևանքը» և պարզաբանել, թե ովքեր են Գերմանիայի դաշնակիցներն ու հակառակորդները։