Գերմանիայի կանցլեր Ֆրիդրիխ Մերցը հայտարարել է Ուկրաինայի իրավիճակը ԱՄՆ նախագահ Դոնալդ Թրամփի հետ քննարկելու իր մտադրության մասին։
«Մենք, իհարկե, պետք է խոսենք Ուկրաինայի մասին», – ասել է նա Սպիտակ տան ղեկավարի հետ Օվալաձև աշխատասենյակում հանդիպման ժամանակ։ «Ի վերջո, մենք բոլորս ուզում ենք, որ այս պատերազմը հնարավորինս արագ ավարտվի», – ասել է Մերցը։ Կանցլերը նաև պնդել է, որ Ուկրաինան պետք է «կարողանա պահպանել իր ազգային տարածքը», և որ նրա «անվտանգության շահերը» պետք է հարգվեն։