3 մարտի 2026 – 18:07 AMT
PanARMENIAN.Net – Մեծի Տանն Կիլիկիո կաթողիկոս Արամ Առաջինը մեծ մտահոգությամբ է հետևում Մերձավոր Արևելքի հայկական համայնքներում ստեղծված իրավիճակին և պահպանում է մշտական կապ նրանց հետ, հայտնում է կաթողիկոսությունը:
«Վերջին օրերին ԱՄՆ-ի և Իսրայելի կողմից Իրանի դեմ շղթայազերծած պատերազմը փաստորեն ներառել է ամբողջ Միջին Արևելքը։ Պատերազմը հանգեցրեց մահերի, խուճապ, անորոշություն և համընդհանուր տագնապ առաջացրեց։ Բնականաբար, Միջին Արևելքի երկրների հայկական գաղութները ևս առավել կամ նվազ չափով ենթարկվեցին պատերազմի հետևանքներին։
Մեծ Տանն Կիլիկիո կաթողիկոսության անունից Արամ Ա–ն խորին ցավակցություն է հայտնել բոլոր զոհերին և շուտափույթ ապաքինում` վիրավորներին։ Միևնույն ժամանակ, պատրիարքը կոչ է անում դադարեցնել ռազմական գործողությունները բոլոր տարածաշրջաններում և այս հարցերի արդար լուծումը գտնել քաղաքական բանակցությունների միջոցով»,– ասված է հայտարարության մեջ։
Արամ Ա-ի նախագահությամբ գումարվելու է Կենտրոնական ազգային վարչության արտակարգ նիստ։
ԱՄՆ նախագահ Դոնալդ Թրամփը հայտարարել է, որ ԱՄՆ-ն սկսել է լայնածավալ գործողություն Իրանի դեմ։Թրամփը հայտարարել է, որ ԱՄՆ-ն թույլ չի տա Իրանին միջուկային զենք ունենալ, և դաԱՄՆ-ի անփոփոխ քաղաքականությունն է։
Իսրայելն իր հերթին կանխարգելիչ հարված է հասցրել Իրանին «սպառնալիքը չեզոքացնելու նպատակով», հայտարարել է այդ երկրի պաշտպանության նախարար Իսրայել Կացը: Նա նաև արտակարգ դրություն է հայտարարել երկրի ամբողջ տարածքում: Իրանի Հեղափոխության պահապանների կորպուսը պատասխան հարվածներ է հասցնում Մերձավոր Արևելքում գտնվող ԱՄՆ ռազմական օբյեկտներին: